Traust í samskiptum

Um námskeiðið

Metnaðarfullir stjórnendur vilja byggja upp traust í samskiptum sínum við starfsmenn, auka skuldbindingu þeirra á sama tíma og þeir vilja sjá þá eflast og vaxa í starfi. Á þessu námskeiði er lögð áhersla á að kynna markþjálfun sem stjórntæki, en það er ein árangursríkasta leið til að efla stjórnendur í hinni daglegu stjórnun. Á námskeiðinu læra stjórnendur grunnatriði markþjálfunar (e. coaching) þar sem lögð verður áhersla á hagnýtar aðferðir í samtalstækni, virka djúphlustun og stefnumiðaða spurningatækni. Einnig verður farið yfir hvernig nota má þessa samskiptaleið í hópavinnu.

Ávinningur

Að námskeiðinu loknu ættu þátttakendur að:

  • Kunna að hlusta betur og lesa á milli línanna.

  • Kunna að spyrja krefjandi spurninga sem auka skuldbindingu og ábyrgð hvers og eins.

  • Finna aukið sjálfstraust og samskiptahæfni og þekkja hvernig best sé að stýra samtölum, sérstaklega í krefjandi málum.

  • Hafa öðlast færni í að auka frumkvæði og fylgja málum betur eftir við starfsmenn, auka þannig líkur á að ná markmiðum.

  • Hafa öðlast færni í að laða fram sjálfstæði og styrkleika starfsfólks og teyma

Hvað segja þátttakendur um námskeiðið?

,,Mjög gott námskeið. Góð blanda af verkefnum, fyrirlestri og myndefni. Frábær leiðbeinandi.”

,,Æfingarnar stóðu upp úr. Gott að fá að æfa sig jafnóðum og verið er að fara yfir efnið.”


UM STJÓRNENDAÞJÁLFARANN

Alda Sigurðardóttir, er eigandi og stjórnendaþjálfari Vendum ehf. Hún hefur unnið með  nokkur hundruð stjórnendum í einstaklingráðgjöf undanfarin 8 ár og er með viðskiptavini í 9 löndum og þekkir því áskoranir stjórnenda afar vel.  Hún hefur jafnframt fjölbreytta stjórnunarreynslu, þar má nefna störf hennar sem fyrrum aðstoðarmaður Dr. Svöfu Grönfelds rektors  og síðar Dr. Ara Kristins Jónssonar hjá Háskólanum í Reykjavík,  kynningar- og samskiptastjóri HR, Viðskiptastjóri hjá fyrirtækinu SJÁ og sem fræðslustjóri VR.  Alda hefur gegnt ýmsum trúnaðarstörfum og setið í fjölmörgum stjórnum og nefndum, m.a. í stjórn Heilsugæslu höfuðborgarsvæðisins,  stjórnarformaður Menntar og varamaður í stjórn Orkuveitu Reykjavíkur. Hún kennir samhliða stjórnendaþjálfuninni í MBA náminu í HR sem er meistaranám í stjórnun og viðskiptum.


SKIPULAG

Tími: Kennsla fer fram miðvikudaginn 13. febrúar frá kl. 09:00-16:00.

Lengd:
 7 klst.

Staðsetning: Vendum, Bolholti 6, 2. hæð, 105 Reykjavík.

Verð: 74.900 kr

Innifalið í námskeiðsgjaldi er morgunhressing, hádegisverður, síðdegishressing, kaffi og te.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.