Árangursrík og öflug liðsheild

um námskeiðið

Markmið námskeiðsins er að stjórnandinn fái í hendur verkfæri og kynnist aðferðum til þess að ná enn meiri árangri sem stjórnandi öflugrar liðsheildar. Sérstök áhersla er lögð á að stjórandinn öðlist færni til að styðja við jákvæða framþróun teymisins síns. 

Hvernig er best að búa til sterka liðsheild innan teymis og hvernig öðlast teymið sameiginlega sýn og vinnur samstíga í átt að markmiðum sínum? Á námskeiðinu verður leitast við að svara þessari spurningu ásamt því að greina hvaða þættir það eru sem helst grafa undan teymum og hvernig hægt er að fyrirbyggja það. Einnig verður farið yfir ólík hlutverk innan teyma og lögð áhersla á hagnýt ráð eins og faglega fundarstjórnun og hvernig best sé að stýra fundum þannig að allir taki þátt. Lagður er fyrir ítarlegur teymisgátlisti svo hver og einn getur speglað sig í hvað vel er gert og hvar tækifæri til umbóta liggja.
 

Ávinningur

Að námskeiði loknu ættu þátttakendur að:

  • Þekkja leiðir til að hámarka teymið sitt.

  • Þekkja hvaða þættir grafa undan teymum.

  • Þekkja muninn á hóp og árangursríku teymi.

  • Þekkja ólík hlutverk innan teyma.

  • Kunna að stýra fundum faglega og þannig að allir taki þátt.


um stjórnendaþjálfarann

Alda Sigurðardóttir, er eigandi og stjórnendaþjálfari Vendum ehf. Hún hefur unnið með  nokkur hundruð stjórnendum í einstaklingráðgjöf undanfarin 8 ár og er með viðskiptavini í 9 löndum og þekkir því áskoranir stjórnenda afar vel.  Hún hefur jafnframt fjölbreytta stjórnunarreynslu, þar má nefna störf hennar sem fyrrum aðstoðarmaður Dr. Svöfu Grönfelds rektors  og síðar Dr. Ara Kristins Jónssonar hjá Háskólanum í Reykjavík,  kynningar- og samskiptastjóri HR, Viðskiptastjóri hjá fyrirtækinu SJÁ og sem fræðslustjóri VR.  Alda hefur gegnt ýmsum trúnaðarstörfum og setið í fjölmörgum stjórnum og nefndum, m.a. í stjórn Heilsugæslu höfuðborgarsvæðisins,  stjórnarformaður Menntar og varamaður í stjórn Orkuveitu Reykjavíkur. Hún kennir samhliða stjórnendaþjálfuninni í MBA náminu í HR sem er meistaranám í stjórnun og viðskiptum.


Skipulag námskeiðs

Tími: Kennsla fer fram miðvikudaginn 13. mars frá kl. 09:00-16:00.

Lengd:
 7 klst.

Staðsetning: Vendum, Bolholti 6, 2. hæð, 105 Reykjavík.

Verð: 74.900 kr

Innifalið í námskeiðsgjaldi er morgunhressing, hádegisverður, síðdegishressing, kaffi og te.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.